பசுமை உற்பத்தித் திறன் தொடர்பாக பாடசாலை அதிபர்கள், ஆசிரியர்கள் மற்றும் மாணவர்களை தெளிவுபடுத்தும் செயலமர்வொன்று 02.12.2019 திங்கட்கிழமை மண்முனைப்பற்று பிரதேச செயலகத்தின் ஏற்பாட்டில் ஆரையம்பதியில் நடைபெற்றது.

மண்முனைப்பற்று பிரதேச செயலாளர் திருமதி நமசிவாயம் சத்தியானந்தி அவர்களது ஆலோசனைக்கு அமைவாக பிரதேச செயலக மாநாட்டு மண்டபத்தில் நடைபெற்ற இச் செயலமர்வினை உதவிப் பிரதேச செயலாளர் திருமதி.வி.லோகினி அவர்கள் கலந்து கொண்டு ஆரம்பித்து வைத்தார்.

மண்முனைப்பற்று பிரதேச சிறுவர் சபை உறுப்பினர்களால் எழுதப்பட்ட " ஊற்று கையொழுத்து சஞ்சிகையினை " மதிப்பிற்குரிய மட்டக்களப்பு மாவட்ட அரசாங்க அதிபர் மா.உதயகுமார் அவர்களிடம் கையளிக்கும் நிகழ்வு அண்மையில் மட்டக்களப்பு தன்னாமுனை மியானி மண்டபத்தில் நடைபெற்றது.

இந்நிகழ்வில் மண்முனைப்பற்று பிரதேச செயலக சிறுவர் மகளிர் அபிவிருத்தி பிரிவு உத்தியோகத்தர்களும் பிரதேச சிறுவர் சபை உறுப்பினர்களும் கலந்து கொண்டிருந்தமை குறிப்பிடத்தக்கது.

நல்லிணக்கம் தொடர்பாக இளைஞர் யுவதிகளுக்கான ஆக்கபூர்வமான கருத்தாடல் செயலமர்வொன்று தேசிய ஒருமைப்பாட்டிற்கும் நல்லிணக்கத்திற்குமான அலுவலகத்தின் அனுசரனையுடன்  22.10.2019 செவ்வாய்க்கிழமை மண்முனைப்பற்று பிரதேச செயலக மாநாட்டு மண்டபத்தில் மிகச் சிறப்பாக நடைபெற்றது.

பிரதேச செயலக உத்தியோகத்தர்களின் கலை திறனை வெளிப்படுத்தும் நோக்கில் எமது பிரதேச செயலாளர் திருமதி.ந.சத்தியானந்தி அவர்களது ஆலோசனை மற்றும் தலைமையில் மாதாந்தம் நடாத்தப்பட்டுவரும் "சிறுதுளி - 2" நிகழ்வானது 21.10.2019 ஆந் திகதி 3.00 மணிக்கு பிரதேச செயலக மாநாட்டு மண்டபத்தில் மிகச் சிறப்பாக நடைபெற்றது.

இதன் போது Bright தரவளையத்தினால் (EDO) விழிப்புணர்வு வில்லுப்பாட்டு கலை நிகழ்வொன்று நிகழ்த்தப்பட்டதுடன், இவர்களால் நிகழ்த்தப்பட்ட கலை நிகழ்விற்கு உத்தியோகத்தர்ளால் அமோக வரவேற்பு கிடைக்கப்பெற்றமை குறிப்பிடத்தக்கது.