மண்முனைப்பற்று பிரதேச தின கூட்டம் கடந்த 30.01.2020 எமது பிரதேச செயலாளர் திருமதி ந.சத்தியானந்தி அவர்களது தலைமையில் பிரதேச செயலக மாநாட்டு மண்டபத்தில் நடைபெற்றது.

மட்டக்களப்பு மாவட்ட செயலகமும் 14 பிரதேச செயலகங்களும் இணைந்து நடாத்திய மாவட்ட தைப்பொங்கல் விழா இவ் வருடம் மண்முனை மேற்கு வவுணதீவு பிரதேச செயலகப்பிரிவிலுள்ள ஈச்சந்தீவு கண்ணகி அம்மன் ஆலய முன்றலில் வெள்ளிக்கிழமை (17) ஆந் திகதி மாவட்ட அரசாங்க அதிபர் மாணிக்கம் உதயகுமார் அவர்கள் தலைமையில் வெகு விமர்சையாக நடைபெற்றது.

இதன் போது எமது பிரதேச செயலாளர் திருமதி.ந.சத்தியானந்தி அவர்களது தலைமையிலான எமது அலுவலக உத்தியோகத்தர்கலும் கலந்து கொண்டு பொங்கல் பொங்கியதனை படங்களில் காணலாம்.

டெங்கு ஒழிப்பு தொடர்பான கலந்துரையாடல் 29.01.2020 ஆந் திகதி புதன்கிழமை நண்பகல் 12.00 மணிக்கு பிரதேச செயலாளர் திருமதி.ந.சத்தியானந்தி அவர்களது ஆலோசனைக்கு அமைவாக பிரதேச செயலக மாநாட்டு மண்டபத்தில் நடைபெற்றது.

இதன்போது கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள், சமுர்த்தி அபிவிருத்தி உத்தியோகத்தர்கள் மற்றும் ஏனைய திணைக்களங்களின் தலைவர்கள் கலந்துகொண்டிருந்தமை குறிப்பிடத்தக்கது.

கிராமிய பொருளாதார அபிவிருத்தி திட்டத்தின் கீழ் மண்முனைப்பற்று பிரதேச செயலகத்திற்கு உட்பட்ட கிராம உத்தியோகத்தர் பிரிவுகளில் பனம் பொருள் கைத்தொழில் உற்பத்தியில் ஈடுபடும் சுயதொழில் முயற்சியாளர்களுக்கான உபகரணங்கள் இன்று (08) வியாழக்கிழமை வழங்கி வைக்கப்பட்டன.

மண்முனைப்பற்று பிரதேச செயலக வளாகத்தில் இடம் பெற்ற இந்நிகழ்வில் 20 சுயதொழில் முயற்சியாளர்களுக்கும் தலா பதினைந்தாயிரம் பெறுமதியான உபகரணங்கள் இதன்போது வழங்கி வைக்கப்பட்டன.